Last ned høyoppløst omslagKristian K. Starheim
PANDEMI, PANIKK OG POLITIKK
KORLEIS NORGE VART TATT PÅ SENGA AV KORONAVIRUSET, KVIFOR DET GIKK BRA OG KVA VI BØR LÆRE TIL NESTE GONG
PANDEMI VAR EI VENTA KRISE
Noreg hadde beredskapsplanane klare då viruset var på veg. Likevel vart vi tatt på senga.
Då Erna Solberg ville trykke på den store raude knappen, var der ingen stor raud knapp. Gjennom nokre hektiske timar utforma ei lita gruppe tilsette i Helsedirektoratet dei mest inngripande tiltaka i Noreg i fredstid. Den 12. mars 2020 stengde landet.
Gatene vart folketomme, skulane stengde, og norsk økonomi bråstoppa. Dei økonomiske og sosiale effektane var enorme. Tiltaka var verken testa eller greidd ut.
Sverige kalla den norske responsen for eit eksperiment, og heldt i staden på beredskapsplanen sin. Resultatet dei fekk var eit stort smitteutbrot og mange tusen dødsfall som kunne vore unngått.
Denne boka handlar om den norske stenginga 12. mars 2020. Dette er historia om nedprioritert beredskap, fagleg sektortenking, og manglande førestillingsevne. Det er også historia om snarrådigheit då det verkeleg drog seg til. Eit nært samarbeid mellom politikarar, Helsedirektoratet og FHI redda på rekordtid Noreg frå eit kritisk koronautbrot. Dessutan hadde vi ein god porsjon flaks – for det kunne faktisk ha gått mykje verre.
Ved neste krise kan vi ikkje stole på flaksen. Då må vi vere budd.
